എന്റെ സംഗീതം

ഓരോ യാത്രയുടെയും ഒടുവില്‍
‍ഞാന്‍ എത്തിച്ചേരുന്നു,
എന്റെ ചിന്തകളുടെ തിരുമുറ്റത്ത്.
അവിടെ എനിക്കു കൂട്ട്
എന്റെ വാക്കുകള്‍ മാത്രം.
വാക്കുകള്‍ താളങ്ങളായി
എന്റെ ഉള്ളില്‍ നിറയുമ്പോള്‍,
എന്റെ ചിന്തകളുടെ ഈണം
ഒരു പാട്ടിലായ് ഞാന്‍ മൂളുന്നു.
അതാണെന്റെ സംഗീതം.

എന്റെ ചിരിയുടെ ഉടമ

നിലാവിനോട് ഞാന്‍ ചോദിച്ചു:
"ഇത്തിരി തിളക്കം കടം തരുമോ?
"നിലാവു പറഞ്ഞു:
"നിന്റെ ചിരിയിലുണ്ടല്ലോ
ഒരു കോടി നക്ഷത്രത്തിളക്കം..."

എന്റെ ചിരിയുടെ യഥാര്‍ഥ ഉടമയ്ക്ക്
എന്റെ നന്ദി, സ്നേഹം.